Пет загинати и 20 повредени во земјотресот во Перу

Пет лица загинаа во земјотресот со јачина од 5,5 степени според Рихтеровата скала што ноќеска го погоди регионот на Андите во Перу.

Повеќе од 20 лица се повредени, а 300 луѓе беа принудени да ги напуштат своите домови кои беа погодени во земјотресот.

Земјотресот е регистриран вчера во 21:24 часот по локално време, а епицентарот беше два километри западно-југозападно од градот Сикаја, во покраината Уанкајо, на длабочина од 10 километри.