Почина струмичанец – се задуши во пожар предизвикан од греалка

Струмичанец (60) денеска напладне починал во сопствениот дом во пожар предизвикан од греалка.

Веста ја потврдија од СВР Струмица. Оттаму информираа дека денеска во 12:35 часот на улица „Широк дол“ во Струмица е пријавено дека има починатото лице и дека увидот се уште трае, а повеќе информации полицијата најави за утре.

Најверојатно станува збор за несреќен случај, односно починатиот струмичанец најверојатно паднал врз вклучена греалка од која добил изгореници што предизвикала чадење во просторијата, по што починатиот се задушил.

Од Пожарната информираа дека во гаснењето на пожарот во запалена просторија од куќа интервенирале со четворица пожарникари и едно против пожарно возило.

– За жал, при интервенцијата внатре во просторијата, е пронајдено мртво лице чие тело беше зафатено од пламенот – стои во информацијата од струмичките пожарникари.

Смртта на струмичанецот ја констатирал лекар.