Почна лидерската средба – Филипче не се појави

14.01.2026 12:19
1,157 Читање помалку од 1м
Во Клубот на пратениците започна лидерската средба иницирана од премиерот Христијан Мицкоски. На средбата, покрај коалициските партнери од ВЛЕН и ЗНАМ, присуствуваат и лидерите на опозициските партии ДУИ и Левица, Али Ахмети и Димитар Апасиев. Како што беше најавено, столчето на претседателот на СДСМ, Венко Филипче, остана празно откако тој минатата недела ја одби поканата.

На дневен ред се неколку клучни прашања:

  • Укинување на техничката влада;
  • Реформски закони во правосудството;
  • Измени во Изборниот законик;
  • Избор на нов народен правобранител.

Пред почетокот, Димитар Апасиев ги повтори барањата на Левица за една изборна единица и итно укинување на техничката влада. Премиерот Мицкоски претходно истакна дека очекува широк консензус за овие реформи пред неговото заминување на Светскиот економски форум во Давос.

 

Back to top button
Close