Полицијата регистрира зголемување на бројот на случаи на сексуална злоупотреба на деца во Германија

Бројот на регистрирани случаи на сексуална злоупотреба на деца и адолесценти се зголемил во Германија минатата година, според денеска објавен полициски извештај.

Полицијата претпоставува дека има голем број непријавени случаи на ваков вид прекршок, се наведува во извештајот.

Во 2023 година, полицијата регистрирала 16.375 случаи на сексуална злоупотреба на деца, што е зголемување за 5,5 отсто споредено со претходната година.

Во истиот период евидентирани се и 1.200 прекршоци во кои млади биле сексуално злоставувани.