“Пригожин најверојатно е мртов, а состанокот со Путин е лажиран“: Пензиониран американски генерал со шокантно тврдење за лидерот на Вагнер

Шефот на платеничката група Вагнер, Евгениј Пригожин, веројатно е или мртов или е во затвор, а неговата средба со рускиот претседател Владимир Путин по бунтот најверојатно била лажирана, тврди пензионираниот американски генерал Роберт Абрамс.

„Јас лично се сомневам дека некогаш повторно ќе го видиме Пригожин во јавност“, изјави Абрамс за ABC News.

Абрамс, исто така, изрази сомневање дека средбата меѓу Путин и Пригожин на 29 јуни, пет дена по бунтот, воопшто се случила.

„Би бил изненаден ако навистина видиме докази дека Путин се сретнал со Пригожин и мислам дека тоа е исценето“, рече Абрамс.

Песков за новинарите во понеделникот изјави дека Путин поканил 35 луѓе, вклучувајќи го и Пригожин, на состанок кој траел три часа.

Да потсетиме, бунтот беше „задушен“ во договор со посредство на белорускиот претседател Александар Лукашенко. Како дел од договорот, Пригожин требаше да ја напушти Русија и да се пресели во Белорусија. Неговите луѓе имаа три избори: да го следат Пригожин во Белорусија, да се приклучат на редовната руска армија или да престанат да се борат и да се вратат дома.