Разрешен медицинскиот директор на Токсикологија доктор Данил Петровски
Министерот за здравство Илир Демири го разрешил директорот на Клиниката за токсикологија доктор Данил Петровски, а економската директорка Бесија Иљази ја оставил на позицијата, потврдил за „Слободен печат“ Петровски.
-Минатата ноќ бев на дежурство и во 2 часот по полноќ дојде да ме провери еден новинар зошто сум бил на работа кога сум зел одмор. Меѓутоа, јас за потребите на клиниката имам законско право да дојдам на работа на дежурство, дури и ако сум на одмор, бидејќи нема доволно доктори, изјави доктор Петровски за „Слободен печат“.
Бесија Иљази ја остави Клиниката за токсикологија без биолог и без осигурување (имаше хаварија поради поплава од пукната парно цевка) поради што токсиколошката лабораторија работи незаконски, само со еден лаборант, но тоа не беше причина да биде разрешена. Оваа состојба не е ни констатирана од Државниот здравствен и санитарен инспекторат.
…
