Ребека Гринспан води во трката за новиот шеф на ОН, но нејзината предност се намали

Поранешната костариканска потпретседателка Ребека Гринспан излезе како фаворит за 10-ти генерален секретар на ОН по денешното неформално гласање во Советот за безбедност, изјавија два извора блиски до процесот.

На петтото тајно гласање на петнаесетчлениот Совет, што дојде по повеќедневни интензивни дипломатски преговори во Њујорк, не се издвои кандидат со убедлива поддршка, како што не се издвои ни во претходните четири круга.

Гринспан и натаму е најсилна во групата од седум кандидати, но нејзината поддршка е малку послаба отколку на гласањето минатата недела, што би можело да ги охрабри и другите високи официјални лица да се приклучат на трката.

Изборот се одржува во клучен момент за ОН, организација со 193 членки. Победникот ќе мора да се соочи со повеќе кризи, меѓу кои војните во Украина и на Блискиот Исток, помалите американски придонеси и опаѓачкото политичко влијание на ОН во време кога Вашингтон затвори голем број свои агенции, коментираат светските агенции.