Руските војници наводно си пукале во нозете за да избегнат борби

Моралот е толку низок меѓу инвазивните руски сили што војниците, наводно, си пукале во нозете за да избегнат борби – користејќи украинска муниција за да изгледаат дека биле погодени од бранителите, пишува „Њујорк Пост“

Од почетокот на инвазијата врз Украина, нашироко се пишува дека руските војници се деморализирани, а според извештаите од повеќе извори, во борбите досега загинале илјадници припадници на руските воени сили.

Во наводен пресретнат разговор меѓу војниците, кој го објави белорускиот независен медиум „Нехта“, еден Русин вели:

„Тие пукааt во нас веќе 14 дена, исплашени сме. Крадеме храна, упаѓаме во куќи. Убиваме цивили“.

Според најновите проценки на украинската влада, руските војници наводно се деморализирани во инвазијата.

„Руските офицери си пукаат во нозете за да си одат дома. Насекаде има трупови“, продолжи тој.

Друг војник се слушна како вели дека неговите другари „бараат украинска муниција за да си пукаат во нозете и да одат во болница“.

Дезертерите се соочуваат со сурова казна во татковината, па користењето на украинско оружје и муниција врз себе им овозможува да направат нивните самонанесени рани да изгледаат како рани на бојното поле, според извештаите.