САД повеќе не препорачуваат вакцини против Ковид-19 за бремени жени и здрави деца
Американските центри за контрола и превенција на болести (CDC) објавија дека вакцинацијата против Ковид-19 повеќе не се препорачува за бремени жени и здрави деца.
Министерот за здравство Роберт Ф. Кенеди Џуниор во видео обраќање на платформата X објави дека тие вакцини се отстранети од препорачаната програма за вакцинација на ЦДЦ за тие две категории на населението.
Кенеди, кој долго време е скептичен кон вакцините, е задолжен за реформирање на здравствениот систем за да го усогласи со целта на претседателот Доналд Трамп за драстично намалување на федералната влада, јавија американските медиуми.
