Санкционирани 121 возач за брзо возење

При вчерашната акциска контрола на територијата на државата за санкционирање возила кои се движат со брзина поголема од дозволената, санкционирани се 121 возач, соопшти МВР.

Од нив едно возило се движело со дури над 70 километри на час повеќе од дозволеното. Притоа 60 возила ја пречекориле брзината во населено место, а 61 надвор од населено место.

– Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, наведуваат од МВР