Се огласи Зеленски откако Трамп го нарече диктатор: Имав добар и суштински разговор со генералниот секретар на НАТО

19.02.2025 20:46
1,202 1 минута читање

Безбедносните гаранции за Украина биле меѓу темите на разговор меѓу Зеленски и Руте
Украинскиот претседател Володимир Зеленски, откако американскиот претседател Доналд Трамп го нарече диктатор, се огласи на социјалната мрежа Икс, информирајќи дека имал средба со генералниот секретар на НАТО Марк Руте, но не ги спомна зборовите на Трамп во објавата.

„Имав добар и суштински разговор со генералниот секретар на НАТО Марк Руте“,
наведува Зеленски на почетокот на објавата.

Како што посочи, разговарал со генералниот секретар на НАТО за турскиот претседател.

„Ги споделив деталите од мојата средба со претседателот Ердоган, на која разговаравме за улогата на Турција во обезбедувањето безбедносни гаранции. На Украина ѝ е потребна широка застапеност од европските земји, вклучително Велика Британија и Турција, како и од САД во овој процес“,вели Зеленски.

Тој додава дека генералниот секретар на НАТО одржал средба со американскиот генерал Џозеф Келог.

„Марк ме информираше за неговиот состанок со генералот Келог. Клучните пораки се усогласени со нашата цел за постигнување загарантиран мир, а не само привремен прекин на огнот. Мора да има уверување дека Путин нема да се врати со својата воена машина за неколку месеци или години“,изјави украинскиот претседател.

Безбедносните гаранции за Украина биле меѓу темите на разговор меѓу него и Руте.

„Разговаравме и за нашите идни контакти со партнерите и ги координиравме нашите следни чекори. Не можеме да дозволиме Путин повторно да ги измами сите. Пред какви било потенцијални преговори, сите партнери мора јасно да разберат дека силните безбедносни гаранции се приоритет за траен мир“,пишува Зеленски.

На крајот, тој му се заблагодари на Руте за се.

Back to top button
Close