Шекеринска за Рацин.мк: НАТО е будно, пресретнавме четири балистички ракети, а заштитена е и С.Македонија
Во интервју за Рацин.мк, Заменичка на Генералниот секретар на НАТО Радмила Шекеринска вели дека денеска Северна Македонија е извозник на безбедност во регион, и пошироко, во кој некој актери сакаат да го вратат времето назад. Таа вели дека во сѐ поопасен свет, НАТО е будно и сојузничките сили во Европа го прилагодувааат и ќе продолжат да го прилагодува распоредот на силите на НАТО секогаш кога е потребно за да се обезбеди безбедноста на сите сојузници.
Бевте дел од раководството што ја донесе Северна Македонија во НАТО, а денес го претставувате НАТО пред сите негови членки, вклучително и Северна Македонија. Од тоа двојно искуство, што научивте за вистинската моќ на НАТО, но и за ризиците што постојат за Алијансата? И каква порака им испраќате на граѓаните дома кои ја мерат безбедноста преку сопствениот секојдневен живот, а не преку геополитички говори и настани?
Патот на Северна Македонија кон членство во НАТО беше долг и комплексен и не без свои предизвици. Навистина беше доста долго патување, кое бараше политичка храброст и лидерство. Сето ова беше водено со трпение и чувство на решителност, со две испреплетени цели на ум. Да се направи Северна Македонија побезбедна и исто така да се биде сигурен придонесувач кон безбедноста, во регионот на Западен Балкан и пошироко.
Горда сум што служам и давам свој придонес во НАТО, работејќи со сите 32 сојузници на НАТО за да се осигураме дека НАТО останува силен и обединет. Толку многу работи се во прашање. Имаме должност да ги браниме нашите нации, нашите луѓе и нашиот начин на живот.
Зборувајќи за нашата земја и нашите граѓани, се сеќаваме што се случува кога вашата безбедност е доведена во прашање, кога се соочувате со војна и конфликт. Затоа, знаеме дека безбедноста е она што ги темели сите аспекти на секојдневниот живот. Но, слободата не доаѓа „бесплатно“. Од суштинско значење е да инвестираме повеќе во нашата безбедност, за да можеме да обезбедиме дека ќе продолжиме да ги заштитуваме и – доколку е потребно – да браниме една милијарда граѓани што живеат низ евроатлантската област. Како граѓанка, горда сум што нашата земја се справи со предизвиците.
…
