Соборен е рекородот – човекот отиде најдалеку од Земјата
Мисијата на НАСА Artemis II влезе во историјата – четворица астронаути го урнаа рекордот за најоддалечено патување на луѓе од Земјата, надминувајќи го дострелот на мисијата Apollo 13 од 1970 година.
Екипажот составен од Reid Wiseman, Christina Koch, Jeremy Hansen и Victor Glover се наоѓа на десетдневно патување околу Месечината – прв ваков лет надвор од Земјината орбита по повеќе од половина век.
Леталото Orion нема да слета на Месечината, туку ќе ја обиколи неговата „темна страна“ и ќе се врати на Земјата, додека астронаутите за време на прелетот собираат податоци и снимаат досега невидени призори.
Погледнете го моментот кога и официјално е урнат рекордот
Екипажот на мисијата Artemis II моментално се наоѓа на повеќе од 400.000 километри од Земјата.
Од контролата на летот на NASA соопштуваат дека астронаутите достигнале растојание од 400.171 километар и дека најголемото растојание ќе го постигнат околу 23:07 часот по средноевропско време.
„Тогаш ќе бидат во целосен прекин на комуникацијата со нас на Земјата, бидејќи ќе летаат зад Месечината“, додаде Келси Јанг од контролата на летот.
Командантот на мисијата именуваше кратер по својата покојна сопруга
Командантот на мисијата Artemis II, Reid Wiseman, предложи екипажот да именува кратери на Месечината кои моментално ги набљудуваат.
Во разговор со Келси Јанг од НАСА рече дека сакаат да именуваат некои кратери што ги гледаат „со голо око и со долг објектив“.
Еден кратер предложи да го именуваат по својата покојна сопруга Керол, која починала во 2020 година од рак.
Друг кратер го нарекле „Интегритет“, по леталото Orion кое ги однело до темната страна на Месечината.
„Пред неколку години го започнавме ова патување… изгубивме сакана личност и сега постои место на Месечината кое во одредени моменти ќе можеме да го видиме и од Земјата“, изјави Вајсман.
Командантот на мисијата Apollo 13, Jim Lovell, исто така за време на летот во 1970 година именувал кратер по својата покојна сопруга.
