Стипендии за студии во Италија за академската 2021-2022 година
– Амбасадата на Италија во Скопје известува за можноста за добивање стипендии за македонски државјани од Владата на Италија за академската 2021-2022 година.
Како што објави Министерството за образование и наука, заинтересираните може да аплицираат за следните категории на студии во Италија: Магистерски студии; Студии за високо образование во областа на ликовната уметност, музичката уметност и танцот; Докторски студии; Напредни курсеви за усовршување на јазикот за студенти по италијански јазик (три месеци) и Истражувачки активности.
Повеќе информации за аплицирањето се достапни на веб-страниците: https://studyinitaly.esteri.it и www.ambasada.esteri.it.
Апликацијата треба да биде целосно пополнета и пратена електронски заклучно со 13 јули 2021 до 14 часот.
