Столтенберг: Украина има право да напаѓа легитимни воени цели во Русија

Генералниот секретар на НАТО, Јенс Столтенберг, изјави дека Украина има право на самоодбрана, вклучително и напаѓање легитимни воени цели во Русија.

„Украина мора да биде способна да возврати и да се одбрани. Тоа е дел од правото на самоодбрана“,изјави Столтенберг прeд состанокот на министрите за надворешни работи на НАТО во чешкиот главен град Прага, пренесува Анадолија.

Посочувајќи дека Русија ја започна војната и го прекрши меѓународното право, шефот на НАТО рече дека Русија продолжува дополнително да ја ескалира целата ситуација бидејќи отворила нов фронт на североисточната граница.

„Она што сум го кажал многу пати е дека треба да запомниме дека ова е агресија. Русија нападна друга земја, го прекрши меѓународното право, ја нападна Украина и Украина има право на самоодбрана, а тоа го вклучува и правото да нападне легитимни воени цели внатре во Русија“,

додаде Столтенберг.Тој посочи дека границата на линијата на фронтот е повеќе или помалку иста и додаде дека правото на Украина на самоодбрана, вклучително и правото на напад на воени цели во Русија, е уште попотребно поради новите руски напади на Харков.

Во Прага се одржува неформален состанок на министрите за надворешни работи на земјите членки на НАТО.

Најмалку три лица загинаа во рускиот напад на Харков, Украина, а 16 се ранети.

Руски проектили погодија три локации во Харков, соопштија локалните власти рано во петокот, пренесува Хина повикувајќи се на Ројтерс.