Терористот самострелот го купил во Земун, претходно се викал “Милош”: Дачиќ изнесе нови информациии за терористичкиот напад

Министерот за внатрешни работи Ивица Дачиќ за РТС изјави дека тероризмот не може да ја победи државата. Акцијата продолжува низ цела Србија. Во текот на ноќта е извршен претрес на повеќе локации низ земјава, со десетици лица е извршен разговор, а обвинителството ќе утврди понатамошна постапка, посочи Дачиќ.

Повредениот припадник на Жандармеријата, Милош Јевремовиќ, кој вчера беше застрелан со самострел во вратот пред Амбасадата на Израел во Белград, по операцијата е во стабилна состојба.

Јевремовиќ во самоодбрана го застрелал напаѓачот, кој починал од повредите.

Дачиќ на гостувањето во дневникот на РТС изјави дека во текот на ноќта е извршен претрес на повеќе локации низ Србија.

„Има луѓе кои припаѓаат на вахабистичкото движење. Едно е да се набљудуваат нивните активности, а друго е прашањето за конкретен криминален чин, односно терористички напад врз припадникот на жандармеријата Милош Јевремовиќ. Треба да најдете соодветна причинско-последична врска помеѓу активностите на тие вахабисти и конкретниот настан“, рече тој.

Затоа, како што вели, била спроведена широка акција со сослушувања и притвори, а во два случаи е одредена мерка притвор. Зборувам за Игор Деспотовиќ, кој беше уапсен во Белград, а Кемал Беговиќ беше приведен при претресот во Нови Пазар. Му го одзеле елекот со знаме на тн. Исламска држава.

„Меѓутоа, имате и други работи, пронајдено е видео од едно лице каде со нож во рака се заколнува на верност на тн. Исламска држава. Кога ќе погледнете што има во становите на тие луѓе, ќе видите дека тие се екстремисти“, додаде Дачиќ.

 

Многу детали се познати

„Многу детали се познати. Неговото (на терористот) движење на автобуската станица е реконструирано, дошол од Младеновац. па се упатил кон израелската амбасада. Ден пред тоа неговата сопруга отпатувала за Црна Гора, побаравме информации од црногорската полиција“, рече Дачиќ.

„Ова не е игра, ова не е театарска претстава. Се работи за луѓе кои им се закануваат на обичните граѓани и што е крив тој џандар што бил на работа и ја чувал израелската амбасада“, вели Дачиќ и наведува дека терористот го купил самострел завчера во продавница во Земун.

-Нашиот закон го квалификува како оружје од класа Д за кое не е потребна дозвола за чување и купување, вели тој.

Дачиќ вели дека исламското име на терористот е Салахудин, а се вика Милош. „Неговиот татко се вика Зоран. Деспотовиќ исто така е преобратен кој од православие преминал во ислам“, додава тој.

„Тој (Жујовиќ) се оженил со жена по име Беса, исто така муслиманка од Црна Гора. Точни се информациите дека имаат едногодишно дете“, потврдија медиумите

Можеби ќе ве интересира
Close
Back to top button
Close