Трамп е казнет со 5.000 долари поради омаловажувања на неговата социјална мрежа

Поранешниот американски претседател Доналд Трамп денеска е казнет со 5.000 долари поради објави на својата социјална мрежа „Вистина“ за судењето во Њујорк.

Трамп се соочи со казни по омаловажувачкиот пост на социјалните мрежи.

Судијата Артур Енгорон засега избегна да го казни Трамп за непочитување на судот, но го задржа правото да го стори тоа и евентуално да го осуди на затвор доколку тој повторно ја прекрши ограничената наредба која им забранува на луѓето вклучени во случајот да вршат лични напади врз судскиот персонал.

Во писмената пресуда, Енгорон изјавил дека го казнил Трамп само со номинална сума, бидејќи ова е „прв пат да се прекрши наредбата“, а адвокатите на Трамп истакнаа дека објавата била објавена ненамерно.

Тој изјави дека идните прекршувања, без разлика дали се намерни или ненамерни, ќе бидат предмет на многу построги санкции, кои може да вклучуваат поголеми финансиски казни, поради констатација дека Доналд Трамп не го почитува судот и може да доведе до негово евентуално затворање.