Трамп: Хутите се однесуваат многу лошо

Американскиот претседател Доналд Трамп изјави дека Хутите, кои контролираат големи делови од Јемен, „се однесуваат многу лошо“, додека тензиите на Блискиот Исток растат по војната меѓу САД и Иран, објавија британските медиуми.

Хутите, поддржани од Иран, од 2014 година водат граѓанска војна против јеменската влада, поддржана од Саудиска Арабија, но конфликтот ескалираше откако САД започнаа војна против Иран.

Хутите неодамна ги засилија нападите врз комерцијални бродови во Црвеното Море и стратешкиот теснец Баб ел-Мандеб. Во последните денови, тие го нападнаа меѓународниот аеродром во саудиската престолнина Ријад. Во нападите загинаа 13 лица, повеќе од 300 беа повредени и го затворија воздушниот простор над Ријад.

Трамп им рече на новинарите дека можеби ќе побара од турскиот претседател Реџеп Таип Ердоган да интервенира во поддршка на интересите на Саудиска Арабија.

„Мислам дека претседателот Ердоган ќе го направи она што го замолив“, рече Трамп.сд/