Ученик сам си ја скратил косата оти фризурата не им се допаѓала на класната и директорката – утврдена е дискриминација

Ученик во основното училиште „Свети Климент Охридски“ во гевгелиско Миравци плачејќи сам, си ја исекол косата бидејќи фризурата не им се допаднала на класната, педагогот и на директорката. Мајката на момчето за случајот на почетокот на септември минатата година ја известила Комисијата за спречување и заштита од дискриминација, која утврдила дискриминација, пренесува порталот СДК.мк.

На 1. септември момчето тргнало во училиште со коса фатена во опавче. Истиот ден директорката на училиштетот усно и наредила на класната ученикот да го отстрани опавчето и да дојде „средена“ фризура.

Потоа, детето само си ја скратило косата над очите.

Мајката на ученикот овој случај го пријавила во Комисија за спречување и заштита од дискриминација, која пред една недела утвридила директна дискриминација на училиштето врз детето, врз основа на род во областа на образованието.

Според овој предмет во Комсијата, мајка рекла дека нејзиниот син немал долга коса и покрај пораката од директорката тој да дојде „среден“ на училиште.

Мајката за овој случај побарала разговор со директорката, која и посочила дека во училиштето има кодекс на облекување.

Таа била предупредена и од педагогот на училиштетот дека ако момчето не ја среди фризурата, ќе добие укор, што е мерка пред бркање од училиште.

По ова, мајката случајот го пријавила и кај Народниот правобранител.

Во одлуката за утврдена дискриминација, Комисијата дава и препораки за училиштето.

„Се препорачува училиштето „Свеети Климент Охридски“ од Миравци да се воздржи од родово-стереотопни дејствија и донесување на родово-стереотипни правила за однесување во училиштето како во случајот. Се препорачува училиштето да ги ревидира интерните акти, како куќниот ред, од аспект на родова еднаквост, со цел преку нив да се промовира родова еднаквост, место родови стереотипи“ пишува во преепораката од Комисијата.

Доколку училиштето не ги почитува препораките на Комисијата, како што велат оттаму, ќе биде пријавено пред суд.