Украина тврди дека Русија наскоро ќе има повеќе од 120.000 војници на границата

Русија наскоро ќе има повеќе од 120.000 војници на границата со Украина, предупреди украинскиот министер за надворешни работи Дмитро Кулеба.

Тој повика за нови економски санкции на Западот за да се спречи Москва од „понатамошна ескалација“.

Западните власти предупредија дека концентрацијата на руските сили на границата со Украина е поголема отколку за време на анексијата на Крим во 2014 година. Објавената бројка на Кулеба е поголема од претходните проценки на Украина за 80.000 руски војници, од кои 50.000 сега се распоредени.

– Руските трупи продолжуваат да пристигнуваат во близина на нашите граници на североисток, исток и југ. Повеќе од 120.000 војници се очекува да пристигнат за околу една недела, предупреди Кулеба на прес-конференција.

– Ова не значи дека тие ќе ја запрат акумулацијата на силите на оваа бројка, додаде тој, предупредувајќи дека Москва е непредвидлива.

Кулеба увери дека Украина не сака конфликт со Русија.