Украинските власти повикаа на бојкот на француски супермаркети што продолжија да работат во Русија

Шефот на украинската дипломатија, Дмитро Кулеба, денеска повика на бојкот на продавниците на „Ошан”, француски синџир на супермаркети, бидејќи групацијата продолжи да работи во Русија

„Очигледно е дека загуба на бизнисот во Русија им е поважен од мртвите во Украина”, напиша Кулеба на Твитер.

Министерот додаде дека „Ошан” треба да се игнорира, доколку овој синџир супермаркети го игнорира фактот дека за време на руската инвазија досега се убиени 139 украински деца.

„Ошан” има 231 продавница во Русија, со годишен обрт од 3,2 милијарди евра, што е повеќе од 10 отсто од нивната глобална активност.

Кулеба апелираше и за бојкот на други продавници, што, како и „Ошан”, се во сопственост на француската групација АФМ.