(ВИДЕО) Го запревме крвавењето на бебето со облека од продавница: Хероите што го спасија повреденото бебе во трговски центар во Сиднеј открија детали од драмата
Мајката и бебето ги однеле на сигурно во продавницата, а потоа отишле да побараат помош
Мајката и бебето ги однеле на сигурно во продавницата, а потоа отишле да побараат помош
Двајца мажи, кои случајно се нашле во трговски центар во Сиднеј во моментот кога напаѓачот почнал по случаен избор да боде луѓе, на една австралиска телевизија опишале како му го спасиле животот на бебето што исто така било жртва на овој напад.
Според нив, повредите биле многу лоши.
„Бебето и мајката се избодени со нож. Мајката дојде со бебето и ми го даде, јас го држев. Изгледаше многу лошо“,рекол еден од мажите.
Interview d’un australien qui a aidé un bébé qui a été poignardé lors des attentats du centre commercial Bondi Westfield à Sydney. #9News pic.twitter.com/Yk4j5gpaMc
— Anton Struve (@AntonStruve) April 13, 2024
Како што додаваат, се обиделе да го спречат крвавењето со облека од продавница и повикале брза помош.
„Имаше многу крв на подот. Се надеваме дека бебето е добро“,
рекол друг маж.
Мајката и бебето ги однеле на сигурно во продавницата, а потоа отишле да побараат помош.
Според луѓето што биле на местото на настанот во моментот на нападот, напаѓачот носел сечило или голем нож и почнал по случаен избор да ги боде луѓето. Посетителите на трговскиот центар почнале да бегаат, а продавачите ги внесувале во продавниците и ги заклучувале, а потоа преку споредните излези ги изнесувале на улица.
Исто така, очевидци тврдат дека напаѓачот бил застрелан од полицијата, што подоцна било потврдено.