(Видео) Големи пожари беснеат во Канада: Евакуирани 18.000 луѓе, прогласена вонредна состојба
Големите шумски пожари што ја зафатија канадската провинција Британска Колумбија принудија околу 18.000 жители да ги напуштат своите домови, а канадската федерална влада најави помош за обезбедување сместување и засолниште за евакуираните.
Пожарот „Балд Ренџ“ ја натера провинцијата да прогласи вонредна состојба. До саботата навечер огнената стихија зафатила повеќе од 10.300 хектари, додека пожарникарите продолжуваат со напорите за нејзино локализирање.
🇨🇦🔥 A fast-moving wildfire has forced more than 20,000 people to evacuate communities along Okanagan Lake in British Columbia overnight into Saturday, Aug. 8. The entire district of Summerland (pop. 12,000) is under evacuation order, plus ~8,000 more in and around Peachland.… pic.twitter.com/70slf43IWE
— 🔥🗞The Informant (@theinformant_x) August 8, 2026
Во изминатите 24 часа пожарите се прошириле во јужниот дел на Британска Колумбија поради топлото и суво време. Покраинската служба за шумски пожари соопшти дека лошата видливост дополнително ја отежнува работата на пожарникарите и воздухопловните екипи.
Во гаснењето се ангажирани десет хеликоптери, меѓу кои и летало опремено за ноќни операции. Сепак, густиот чад и пламенот создаваат турбуленции и го отежнуваат нивното дејствување.
На терен веќе се наоѓаат 34 пожарникари од Австралија, пет од Нов Зеланд и 214 од Мексико, а во наредните денови се очекува пристигнување и на дополнителни меѓународни тимови кои ќе им помогнат на локалните служби во борбата со пожарите.
Извор: skopje1.mk
