Видео:Продолжуваат судирите меѓу демонстрантите и полицијата во Тирана

Судирите меѓу демонстрантите и полициските сили продолжија попладнево во Тирана, во близина на зградата на албанското Министерство за образование, каде што дури ни полициската интервенција со водни топови не ги прекина демонстрациите.

По првичното растерување на демонстрантите, студентите и другите собрани луѓе се прегрупираа по улицата „Драч“, во близина на Министерството за образование, продолжувајќи ги своите протести против владата и барањата за оставка на премиерот Еди Рама, објавува „Албанијан пост“.

Ситуацијата останува напната, со постојани судири меѓу демонстрантите и припадниците на безбедносните служби, а полицијата почна да ги приведува демонстрантите, но не се знае точно колку лица се приведени.

Ескалацијата на ситуацијата на протестите предизвика реакции од претставниците на опозицијата, а лидерот на Демократската партија, Сали Бериша, ја опиша полициската интервенција како насилство врз студентите.

„Стоп на теророт на нарко-државните бандити врз храбрите студенти“, апелираше Бериша на социјалните мрежи.

🚨🚨🚨 Clashes in Albania have hit a critical tipping point. Police have deployed massive violence against students in Tirana. Protesters declare they will no longer tolerate PM Rama’s silence and mockery, which has dragged on for over 4 months while ignoring their demands. 🦩 https://t.co/fRuA6rOnXi

— Tirana Report (@Tirana_Report) October 13, 2026