(Видео): Снимен силниот потрес на Алјаска- Камерите снимија како изгледа потрес од 8,2 степени по Рихтер
Силен земјотрес, со јачина од 8,2 степени по Рихтеровата скала денеска го погоди брегот на американската држава Алјаска. По земјотресот активирана е тревога за можно цунами.
Силниот земјотрес е евидентиран на околу 91 километар источно-југоисточно од Перивил, Алјаска, и се случи околу 22:15 часот, среда навечер, по локално време, односно утрово по централноевропско време, соопшти Американскиот геолошки завод.
Регистриран на длабочина од 46,7 км, земјотресот се смета за плиток. Плитки земјотреси се со длабочина помеѓу 0 и 70 километри. Следуваа најмалку два силни вторичини потреси, со магнитуда од 6,2 и 5,6 степени според Рихтеровата скала, соопшти геолошкиот завод
На Алјаска, Националниот центар за предупредување за цунами издаде тревога за јужните делови, Полуостровот и крајбрежните области на Пацификот од Хинчинбрук до преминот Унимак.
Пацифичкиот центар за предупредување од цунами издаде предупредување за американската држава Хаваи и американската пацифичка територија Гуам.
#BREAKING : 8.2 strong #earthquake rocks the coast of #alaska. #tsunami warning. This is the strngst #earthquake after 2018. Pray for the people of Alaska. Stay strong. Prayer🙏🙏 pic.twitter.com/qDLZwo1xu1
— cheikaba h (@CheikabaH) July 29, 2021
Не е познато дали има повредени или повредени во овој разорен земјотрес, како и нема извештаи за штети.
На социјалните мрежи се појавија снимки од безбедносните камери, кои снимија драматични сцени за време на земјотресот.
На една од снимките може да се слушне како се се крши, додека луѓето во паника се обидуваат да најдат засолниште во куќата.
Од силината на земјотресот, камерата паѓа во еден момент додека во позадина се слушаат врисоците на станарите.
Ова е најзначајниот земјотрес во светот од 2018 година, а најсилен во Северна Америка од 1965 година.
JUST IN – Tsunami alert triggered following the powerful earthquake off the coast of Alaska, the most significant earthquake worldwide since 2018, and strongest in North America since 1965. pic.twitter.com/oXrvU771dQ
— Disclose.tv 🚨 (@disclosetv) July 29, 2021