(ВИДЕО) Студенти и граѓани ја блокираа зградата на судот во Нови Сад, бараат итно ослободување на приведените во антивладините протести

19.08.2025 11:21

1,847 Читање помалку од 1м

Граѓани се собрани пред зградата на Основниот суд во Нови Сад на повик на студентите во блокадата и бараат итно ослободување, како што тврдат, на сите оние што се приведени без докази за учество во антивладини протести, а против кои беа поднесени кривични и прекршочни пријави, меѓу кои и за напад врз службено лице, насилничко однесување, нарушување на јавниот ред и мир и дури и за обид за тешко убиство.

Во судот и на задниот службен влез, полицијата е присутна во опрема за разбивање на демонстрации, а кратко по почетокот на протестот, пристигнале поголем број полицајци.