Во Мексико во 2020 година убиени повеќе од 36.500 луѓе

– Според Националниот институт за статистика, бројот на убиства во Мексико од 36.579 во текот на минатата година во основа остана непроменет во споредба со 2019 година.Иако пандемијата на коронавирус намали многу други активности во Мексико во текот на 2020 година, бројот на убиства остана приближно до оној од 2019 година, кога беа убиени 36.661 лица.

Тоа значи дека стапката на убиства во Мексико во 2020 година остана непроменета и изнесува 29 на 100.000 жители, а за споредба, стапката на убиства во Соединетите Американски Држави во 2019 година беше 5,8 на 100.000.

Претседателот Андрес Мануел Лопез Обрадор изјави дека неговата администрација успеала да го запре зголемувањето на бројот на убиства, но дека сè уште не ги намалила во поголема мерка.

Експертите велат дека голем дел од насилството во Мексико е поттикнато од националните судири меѓу нарко-картелите Халиско и Синалоа, кои често дејствуваат заеднички или преку локални банди. 

Back to top button
Close