Во САД 70 отсто од возрасните примиле барем една доза вакцина, еден месец по рокот поставен од Бајден

– САД ја достигнаа стапката од 70 проценти од возрасните кои примиле барем една доза од вакцината против коронавирус, речиси еден месец по предвидениот рок поставен од американскиот претседател Џо Бајден.

Податоците од Центарот за превенција и контрола на болестите (ЦДЦ), исто така, покажуваат дека 60,6 проценти од возрасните и 49,7 проценти од вкупното население се целосно имунизирани.

Планот на Бајден беше 70 проценти од Американци да бидат вакцинирани до 4 јули, на Денот на независноста на САД.

Побавната кампања за вакцинација, во комбинација со ширењето на многу заразна делта варијанта на коронавирусот, доведоа до тоа дневниот број на заразени во САД да надмине 70.000.