Во Виена растурена корона-забава со 50 гости

И во Австрија полека попушта дисциплината во почитувањето на мерките против коронавирусот, а тоа го покажува и фактот дека во Виена, и покрај мерките за заклучување со целодневен полициски час, во последните неколку дена се одржуваат т.н. „корона забави“. Во неделата полицијата извршила рација на корона-журка во 14-та област на Виена.

Група млади луѓе, околу 40 до 50 лица (меѓу кои и малолетници), изнајмиле куќа за да организираат забава. Недозволената забава била откриена откако еден пијан гостин си ја повредил главата. Неговите пријатели го изнеле од куќата, го однеле на блиската улица и повикале брза помош. Покрај амбулантата, дошла и полицијата која ја забележила забавата во близина. Пред контролата, учесниците во забавата успеале да избегаат, а чуварите ја пронашле куќата празна.

Сепак, штом полициајците заминале, забавата продолжила, но еден сосед повторно повикал полиција поради вревата.

По второто пристигнување полицијата успеала да пронајде 22 лица, против кои поднела обвиненија за кршење на ковид-мерките, но и за поседување наркотични средства. Клучот од станот е одземен, а сопственикот на куќата е информиран за настанот.