Затвор за професорите Шуклев и Ристевски од Економски факултет, барале пари и секс од студентски за оценки

Професорите Бобек Шуклев и Славе Ристевски од Економскиот факултет се осудени на четири и пол, односно четири години затвор зошто барале пари и секс од студентки за оценки, а демонстраторот Драган Денковски осуден со условна казна од две години доколку во следните 5 години не го повтори делото, зошто посредувал помеѓу студентките и професорите.

Ова беше второ судење за предметот „Еразмус“, бидејќи во јуни 2021 година, предметот падна на Апелација, кога беше потврдена само ослободителната пресуда за професорот Стојан Дебарлиев.

Тројцата професори Бобек Шуклев, Драги Јанев, Славе Ристевски и демонстраторот Драган Денковски беа гонети за примање поткуп од студенти за пишување на преодни оценки. При изрекување на пресудата, за професорите Шуклев и Јанев, судијата дополнително кажа дека е утврдено оти барал и сексуални услуги од студентки.