Зеленски ги отфрла критиките на Трамп за украинските напади врз руската нафтена индустрија

Украинскиот претседател Володимир Зеленски ги отфрли критиките на американскиот претседател Доналд Трамп за украинските напади врз руската нафтена индустрија пред планираната средба меѓу двајцата лидери во Њујорк, објави ДПА.

„Енергетскиот сектор на Украина, критичната инфраструктура и нашиот извоз на храна мора да престанат да бидат цели за Русија, а тоа ќе доведе до соодветни чекори за деескалација од наша страна“, напиша Зеленски денеска на Икс како одговор на објавата на Трамп на неговата платформа Truth Social.

Трамп претходно напиша дека Русија „за жал ја изгубила контролата врз своето производство на дизел“ за време на војната. Голем дел од руските рафинерии биле разнесени и биле надвор од употреба, рече тој. „Оваа смешна и бескрајна војна со Украина мора да заврши“, продолжи Трамп на својата социјална мрежа.

Пред повеќе од една недела, Трамп го повика Зеленски да ги запре нападите врз руските рафинерии за нафта и го обвини за глобалниот недостиг на дизел.

Но, војната меѓу САД и Иран имаше многу поголемо в лијание врз глобалниот пазар на нафта.

Според медиумските извештаи, средбата меѓу Трамп и Зеленски е закажана за утре на маргините на Генералното собрание на ОН, забележува ДПА.