Жена (35) почина од интоксикација со вода: Испила 4 шишиња од половина литар за 20 минути
Мајка на две деца од Индијана починала откако за само 20 минути испила околу два литра вода.

35-годишната Ешли Самерс починала од интоксиксција со вода кратко по релаксирачки ден на езерото Фримен во текот на долгиот викенд на 4 јули.
Последниот ден од патувањето имала вртоглавица и главоболка, симптоми на дехидрација, но никакво количество вода не можело да ја задоволи нејзината жед. На бродот, на пат кон екскурзијата испила четири шишиња од 500 милитари. Меѓутоа, кога се вратила дома, паднала во гаражата, претрпувајќи силен оток на мозокот.
Лекарите во болницата и дијагностицирале водена интоксикација, наречена и хипонатремија, која се развива како резултат на премногу вода во телото и недоволно натриум. Хипонатремијата се карактеризира со ниски нивоа на натриум во телото, суштински електролит кој помага во регулирање на деликатната рамнотежа на течностите во клетките, како и одржување на правилна функција на нервите и мускулите. Пиењето премногу вода ја разредува концентрацијата на натриум во крвта.
– Тоа беше голем шок за сите нас. Само помислив, дали е ова можно? Единствено што чувствуваше е дека не може да внесува доволно течности. Кога стигнавме до пристаништето, во текот на околу 20 минути возење со брод, таа испи четири шишиња вода за тие 20 минути – изјавол братот Ешли, Девон Милер за Дејли меил.
Оваа состојба се јавува кога некој пие премногу вода за краток временски период, бидејќи ја надминува способноста на сложените органски системи на телото, првенствено на бубрезите, да го регулираат балансот на течности.
Крајната цел на водата за пиење е да се врати рамнотежата помеѓу водата и електролитите како натриум, калиум и хлорид, што обезбедува правилна функција на клетките.
Натриумот е особено важен бидејќи ја одржува комуникацијата помеѓу клетките преку електрични импулси и помага во апсорпцијата на хранливите материи во дигестивниот систем и бубрезите, со што се прилагодува количината на вода и електролити кои се реапсорбираат во крвотокот или се излачуваат во урината. (Telegraf.rs)






