При акциска контрола во Центар санкционирани 136 возачи
Вкупно 136 мерки, меѓу кои 20 казни за возење без возачка дозвола, 11 за нерегистрирани возила, 13 за непридржување на законските ограничувања за возач-почетник, 11 за некористење сигурносен појас и седум за користење мобилен телефон додека се вози, изрече сообраќајната полиција при вчерашната засилена акциска контрола во скопската општина Центар.
Од МВР најавуваат дека засилените сообраќајни контроли ќе продолжат и во наредните денови и апелираат граѓаните да ги почитуваат сообраќајните правила и прописи со цел да се зголеми безбедноста во сообраќајот.
