ДКСК го проширува предметот за Рашковски, истражува сомнителни јавни набавки од 18 милиони денари

Антикорупциската комисија го проширила предметот за набавката на софтверот од страна на поранешниот генерален секретар на Владата, Драги Рашковски. Од ДКСК велат дека има и други сомнителни јавни набавки поврзани со овој случај, а сите докази и податоци кои ги поседуваат ќе ги достават и до Јавното обвинителство.

„Нашите наоди ги проширивме и на други јавни набавки не само за набавката на софтверското решение, на тие кои се поврзани со самиот предмет: камери, сталаци, подвижни кабини, има повеќе јавни набавки, со што износот на средствата кои се потрошени за тие договори е голем. Станува збор за околу 18 милиони денари, дополнително од тие 80 илјади евра – изјави Катица Николовска , член на ДКСК.