На изборот „Сајт на годината 2021“ НЕЛА на НЛБ Банка освои второ место за најдобра автоматизирана алатка чет бот

Првиот банкарски електронски асистент на НЛБ Банка – НЕЛА, го освои второто место во категоријата „Најдобра автоматизирана алатка чет бот“ на изборот за „Сајт на годината 2021“.

На натпреварот кој годинава по дванаесетти пат го организираше агенцијата за дигитален маркетинг Media Solutions, НЕЛА освои голем број од гласовите на посетителите на порталот, а високото второ место е потврда за уникатноста на овој виртуелен асистент на НЛБ Банка, достапен за своите „соговорници“ 24/7.

„Изразуваме благодарност до сите оние кои гласаа за НЕЛА, истакнувајќи ја на тој начин нејзината вредност како прв банкарски електронски асистент на пазарот воопшто и значајна улога во менување на трендовите на комуникација на релација банка – клиент. Како Банка предводник во иновациите и пионер во воведување на нови трендови и технологии во банкарското работење, горди сме на НЕЛА, но и на севкупната стратегија за дигитализација на нашите производи и услуги и информатизација на процесите во насока на зголемување на задоволството и обезбедување врвно корисничко искуство за нашите клиенти“, истакнуваат од НЛБ Банка.

За потсетување, НЛБ Банка ја лансираше НЕЛА на Вибер во 2019 година зголемувајќи ја достапноста за своите клиенти преку уште еден канал за комуникација. НЛБ Банка работи на надградба и усовршување на својот електронски банкарски асистент – НЕЛА, со цел да обезбеди дополнителни придобивки за своите клиенти