ОЈО: Во Вруток убиена жена од Албанија која била мажена и живеела во селото

Јавен обвинител од Основното јавно обвинителство Гостивар изврши увид во семејна куќа во селото Вруток, каде што вчера беше пронајдено безживотно тело на една жена со повеќе убодни рани од нож.

Како што информираат од Јавното обвинителство, станува збор за жена по потекло од Република Албанија, родена 1967 година, која била мажена и живеела во Вруток. Според првичните сознанија, смртта на жената настапила околу 24-48 часа пред нејзиното пронаоѓање.

Јавниот обвинител издаде повеќе наредби за прибирање и вештачење на трагите пронајдени на местото на настанот, како и за обдукција на починатата. Првичните траги упатуваат дека смртта е насилна и се трага по сторителот.​​