МЗТ Скопје го освои „Земун куп“

Кошаркарите на МЗТ Скопје со трофеј се враќаат од дводневното гостување во Белград, откако триумфираа синоќа во финале на „Земун купот“ против Младост Земун.

„Штрковите“ го совладаа домаќинот со 86:80 остварувајќи четврта победа во низа во подготвителниот период.

Тренерот Александар Петровиќ на овој турнир им даде шанса да настапат и на помладите.

Лидер на теренот беше Мајк Кафи, кој средбата ја заврши како најефикасен со 19 поени, а зад него беа Страхиња Миќовиќ со 12 и Дамјан Стојановски и Еван Максвел со по 11 поени.

МЗТ Скопје Аеродром во новата сезона ќе ја брани шампионската титула во македонското првенство и ќе настапува во регионалната АБА 1 лига.