Вечерва во „Што го врти светот?“ Катерина Трајчевска и Тошо Трајанов од Адева -македонска компанија со седиште во Америка и соработници во над 40 земји

Во денешната епизода на „Што го врти светот“ ќе ги гледате Катрина и Тошо од Адева. Македонска компанија основана од двајца поранешни фриленсери / програмери кои стануваат бизнис и животни партнери. Тие ја почнуваат компанијата скромно, но набрзо истата расте и добива многу меѓународни клиенти, главно работејќи за Американскиот пазар. Тоа ги поттикнува да отворат канцеларии и да ја регистрираат компанијата во Америка. Интересно е дека компанијата работи целосно remote, па така Тошо и Катерина живеат во Охрид и од таму ја управуваат компанијата. Нивните соработници, вработени и ангажирани лица се наоѓаат во над 40 земји во светот. Оваа година ја почнаа со вест за пропаѓање на американската банка во која тие и најголем дел од страт-апите во Силиконската долина ги чуваа своите пари. А како продолжи и заврши таа приказна детално ќе дознаеме во најновата епозода на поткастот. Тимовите креирани од нашите соговорници работат со некои од најголемите светски компании меѓу кои Dept, Slice, Imgur и многу други. Со нив ќе зборуваме и за иднината на светот во насока на тоа како државите можат да одговорат на Вештачката интелегенција и кои се промените кои се случуваат?

Гледајте „Што го врти светот“ со Катерина и Тошо од Адева. Поткастот го создава Здружението ЗМАИ, а е уредуван од Јована Аврамовска Николовска.

Доколку ве интересираат повеќе македонски успешни приказни погледнете ја епизодата со Дина Дума, македонска режисерка која го создаде првиот македонски филм на Нетфликс.