Во САД започна истрага против Гугл за наводно прикажување негативност кон Трамп

Државниот обвинител од Мисури, републиканец, Ендрју Бејли, рече дека отворил истрага против Гугл затоа што пребарувачот наводно прикажувал само негативни написи за поранешниот претседател на САД и републикански претседателски кандидат Доналд Трамп за време на претресите, со што, како што наведе, се цензурира конзервативниот говор пред „најважните избори во националната историја“.

Бејли на платформата X напиша дека отворил истрага против Гугл за наводно цензурирање на конзервативниот говор, но не даде никакви примери или докази за тврдењата.

Гугл ги отфрли наводите на Бејли како „целосно лажни“. Портпаролот на Гугл изјави дека пребарувањето им служи на сите корисници и дека бизнисот на компанијата се заснова на прикажување корисни информации за сите корисници, без оглед на нивните политички определби.

Републиканците долго време тврдат дека платформите на социјалните мрежи се антиконзервативни, што тие го негираа.

Трамп минатиот месец изјави дека ќе побара кривично гонење на Гугл доколку победи на претседателските избори на 5 ноември