Дожд и повисоки температури до крајот на оваа недела

Во следните денови времето ќе биде стабилно и претежно тивко со ниски утрински температури, а дневните ќе бидат во пораст. По одделни котлини ќе има појава на магла и пониска дневна температура. Во петок кон крајот на денот се очекуваат повремени врнежи од дожд кои ќе продолжат и за време на викендот кога наместа ќе бидат пообилни.

Пред нас е една типична есенска недела и временски услови кои прилегаат на последниот месец пред календарскиот старт на зимата.

Ниските утрински температури ќе се задржат и во вторник и среда додека веќе од четврток наутро температурите ќе одат и до 5 степени а облаците кои ќе ги покачат температурите ќе донесат дожд за време на викендот. Имајќи предвид дека температурите ќе останат во позитива нема да има услови за снежни врнежи по котлините