Оперскиот пејач Ѓорѓи Цуцковски е новиот директор на „Охридско лето”

Oперскиот  пејач, Ѓор­ѓи Цуцковски, кој е пр­ве­не­ц на Опе­ра­та при Националната опе­ра и ба­лет (НОБ), е нови­от директор на НУ „Охрид­ско ле­то”, информираа денеска од оваа институција. Цуцковски до­а­ѓа на ме­сто­то на Анита Алоска која беше на функцијата в.д. директор измнативе три месеци.

-„Охридско лето” за мене претставува бисер на македонската култура и на културниот идентитет на Македонија. Со особена чест и задоволство стапувам на позицијата директор на НУ „Охридско лето” со надеж дека ќе ја продолжиме долгата и богата традиција на успешни и спектакуларни настани, на најголемите светски уметнички имиња и дека Фестивалот ќе продолжи да ја негува богатата традиција од 64 години, вели директорот Цуцковски по повод назначувањето.

Цуцковски на македонската јавност ѝ е познат по својата богата интернационална кариера којашто вклучува претставување на македонската култура во САД, Кореја, Индонезија, Јапонија, Кина и ширум Европа. Освен како истакнат македонски уметник има дадено особен придонес за македонската култура и како пoранешен уметнички директор на Македонската опера и музички селектор на Фестивалот „Охридско лето”.