Лишен од слобода 19-годишник во Тетово поради предизвикување пожар

-Денеска (15.08.2025) околу 16:15 часот во Тетово полициски службеници од СВР Тетово го лишиле од слобода С.М. (19) од Скопје, со привремено место на живеење во Тетово, кој бил затекнат додека палел кабли со што предизвикал пожар кај железничкиот надвозник на ул.”Маршал Тито” во Тетово, известува МВР.

Со интервенција од Тетовската противпожарна единица, пожарот бил изгаснат, а С.М. е задржан во полициска станица и по документирање на случајот против него ќе биде изготвен соодветен поднесок.

Ова не е прв ваков случај на апсење поради подметнување пожар: Вчера во 18.30 часот полициски службеници од СВР Куманово го лишија од слобода С.С.(57) од Куманово, поради постоење основи на сомнение за сторено кривично дело “предизвикување на општа опасност”. Имено во населбата Карпош на Никуљски пат предизвикал пожар при што опожарени биле сува трева, патничко возило “ауди”, напуштена куќа и ниви“, соопшти МВР.

Пред две недели беше уапсен и А.Н поради основано сомнение дека намерно подметнал пожар во атарот на брана Водоча, кај Струмица.

Ова се само неколку од случаите на апсење на лица поради предизвикување пожари кои ја зафатоија нашата земја.