Шнајдер ја освои титулата во Монтереј

Русинката Дијана Шнајдер ја освои титулата на тенискиот турнир на тврда подлога во Монтереј што се играше во мексиканскиот град за награден фонд од над еден милион долари.

Во финалето, третата носителка Шнајдер ја победи втората носителка, нејзината сонародничка Екатерина Александрова, со 6:3, 4:6, 6:4 за два часа и 11 минути и ја продолжи импресивната серија победи во финалињата на ВТА турнирите.

Шнајдер (ВТА-12), е непоразена во последните пет финалиња, додавајќи ја титулата во Монтереј на своите победи во Хонг Конг, Будимпешта, Бад Хомбург и Хуа Хин минатата година.

Победата ѝ овозможи на Русинката да го израмни својот рекорд во меѓусебните дуели со Александрова. Двете тенисерки ќе имаат малку време за одмор пред да го поминат патувањето од речиси 2.000 километри од Монтереј до Њујорк за да играат во првото коло од Отвореното првенство на САД, кое денеска започнува во Њујорк.