Бујар Османи: Во Чаир се раѓа движење за промени, се буди енергија за отпор кон уцените и корупцијата

Сметам дека она што се случува во Чаир е поголемо од изборна кампања. Изборите во Чаир се историски. Се буди енергија на отпор. Отпор кон начинот на управување. Кон корупцијата. Кон уцените. Кон клиентелизмот. Она што го гледам овие денови е мотивација за мене. Ни се придружуваат луѓе кои не се од ниту една партија: наставници, активисти, занаетчии… кои сами доаѓаат и велат: ова е историска шанса да го ослободиме Чаир.

Затоа, се крева движење. Се буди движење за достоинство. Движење на отпорот за нов, чист Чаир, со модерни училишта и безбедни улици. Движење што ќе докаже дека Чаир не е приватна сопственост на никого. Ниту е рудник за дијаманти. Мојата улога е само да бидам глас на таа енергија институционално да ја канализирам. Победата не е моја, победата е на сите граѓани на Чаир, кои ќе се кренат и ќе кажат – доста е.

Сакам јасно да кажам: на 19 октомври народот на Чаир ќе излезе масовно и ќе го порази системот за купување на волјата на граѓаните никој не може да го обезвредни нивниот глас ако луѓето масовно излезат и ја изразат својата волја. Никој! Ова не се обични избори. Ова е отпор и започнува движење за нов Чаир.