Филипче- Власта нема никакви резултати,се бави со спинови и црни кампањи

Ј

ас сум предмет на црна кампања на ВМРО-ДПМНЕ повеќе години наназад, изјави претседателот на СДСМ, Венко Филипче, во интервју за телевизија Сител.

-Прво ми препишуваа некаква куќа во Нерези, па авиокомпанија во Дубаи, па стокатница во Дубаи, па сега еве јахта… Нема да се изненадам ако зимава застанат и се сликаат пред некоја куќа во Сент Мориц и кажат дека е моја – додаде тој.

Филипче потенцираше дека во отсуство на реални резултати, владејачката партија целосно се потпира на дезинформации и медиумски спинови.

-Немаат што да прават друго, поради тоа што апсолутно нема никаков перформанс во владата. Немаат со што да се пофалат, ги демонтираме во сите мерки и бројки – рече тој.

Според него, граѓаните веќе чувствуваат последици од неспособноста на власта, растечки цени, поскапени основни трошоци, слабост во економските политики и изостаната визија.

-Сметам дека оваа влада ќе оди во историјата како една фуснота, затоа што буквално ништо нема да направат – заклучи Филипче.