АА на Таравари: Злото на ВЛЕН не е албанската опозиција, туку владините партнери ВМРО-ДПМНЕ, ЗНАМ и партијата на Стоилковиќ

Злото на ВЛЕН не е албанската опозиција, туку нивните владини партнери, како ВМРО-ДПМНЕ, ЗНАМ и Српската демократска партија на Иван Столковиќ, велат денеска од Алијанса за Албанците (АА) на Арбен Таравари, посочувајќи дека дискриминацијата и деградацијата на Албанците се случува пред очите на функционерите на партиите на Албанците во власта.

Според Алијанса на Таравари, за ова одговорноста не може да се префрли на албанската опозиција, туку одговорноста ВЛЕН треба да ја бара кај своите функционери што ги легитимираат реваншистичките политики против Албанците од нивниот тутор, Христијан Мицкоски.

„ВЛЕН е добро што ќе земе пример од АА и нејзниот претседател Арбен Тарави и што поскоро ќе се повлече од оваа екстремна влада против Албанците. Во спротивно, одговорноста паѓа кај нив и никој нема да ги амнестира. Колку поврзо ВЛЕН го сфати ова, толку полесно ќе им бидее да излезат пред албанските граѓани и да побараат прошка“се вели во партиското соопштение.

Оттаму додаваат дека ВЛЕН треба да му се врати на народот и да не се занимава со клевети и напади кон албанската опозиција, зашто Албанците очеекуваат одговорност и визија, а не оправдувања за да останат еден ден повеќе во власта.

Досега од Алијанса за Албанците на Таравари неколку пати посочија дека редовните клевети што им ги сервира „белиот дворец“ се само очајнички обиди да се пренасочи вниманието на јавноста од нивните постојани неуспеси