Захарова: Западните санкции се механизам за системски притисок врз Русија

Портпаролката на руското Министерство за надворешни работи Марија Захарова изјави дека Русија е уверена дека западните санкции не се привремени или целни мерки, туку механизам за системски притисок врз Москва.

Таа нагласи дека западните земји, нивните сојузи и нивните поврзани сателити водат агресивна кампања против Русија.

– Целта е отворено декларирана: финансиска и технолошка изолација, поткопување на перспективите за долгорочен социоекономски развој и нанесување максимална штета на граѓаните со цел дестабилизација на внатрешнополитичката ситуација. Веруваме дека санкциите не се привремени или целни мерки, туку механизам за системски стратешки притисок врз нашата земја, наведе Захарова на маргините на форумот „Произведено во Русија“.

Таа додаде дека Западот се обидува да воведе секундарни санкции против суверени држави „обидувајќи се да ги казни поради соработка со Русија, поради фактот дека земјите ги бранат своите национални интереси.

Според неа санкциите станаа реалност во глобалната економија.

– Глобалната економија стана фрагментирана, а оние кои претходно се залагаа за отворени граници и отстранување на разни бариери се вратија на блоковскиот пристап, посочи Захарова.