Вучиќ за Извештајот на ЕК: Рековте дека е огледало, јас би рекол дека тоа е ваше мислење

„Рековте дека е огледало, но јас би рекол дека тоа е ваше мислење, сигурно не огледало“ – рече претседателот на Србија, Александар Вучиќ, на заедничка конференција со амбасадорот на Европската Унија во Србија, Андреас фон Бекерет, во Палатата на Србија, по повод презентацијата на Извештајот на Европската комисија за напредокот на Србија.

Вучиќ рече дека овој извештај е од големо значење за граѓаните на Србија за да можат да видат што точно бара ЕУ од Србија.

– Ќе земам само една област што е исклучително важна за нас. Ние го сметаме Косово и Метохија за наша територија врз основа на меѓународното право, а вие рековте дека сите обврски од 2023 година мора да бидат исполнети. Пред тоа, сигурен сум дека ЕУ сака да го исполни она што беше потпишано дури 10 години претходно, во 2013 година. Но, верувам дека тоа ќе се случи на крајот – рече тој.

Во врска со Бањска, претседателот рече дека се надева дека сите одговорни за настаните кога Србите беа убивани и апсени од 2008 година ќе бидат уапсени.

– Благодарен сум за сите анализи и прифаќам дека не сме доволно добри во областа на геополитиката. Како што самиот рековте, имаме проблем со изразувањето. Не знам кој збор не сме го слушнале во медиумите против членовите на владата, што на Запад никогаш не треба да се каже. Но, за да не навлегувам во тоа, моето срце и мојата глава не ми дозволуваат да лажам, па ќе го скратам говорот. Србија ќе продолжи со реформите, ќе работиме напорно и вредно, за нас европскиот пат е стратешки избор и тоа нема да се промени до крајот на мојот мандат – рече претседателот.

Осврнувајќи се на коментарот на шефот на делегацијата на ЕУ во врска со анти-ЕУ реториката, Вучиќ рече дека претходно ветил дека ќе зборува само убаво за ЕУ, поради што досега се гризел за јазикот.