Поради инцидентот во Охрид, Дејан Манасков суспендиран на три месеци

Дисциплинската комисија при Ракометната федерација на Македонија донесе одлуки по повод настаните што се случија по дерби дуелот од последното коло од домашниот шампионат помеѓу екипите на Охрид и Еурофарм Пелистер.

Охрид го победи Еурофарм Пелистер, а настаните кои се случија потоа, отворија работа и за дисциплинската комисија.

Официјални суспензии добија ракометарот Дејан Манасков кој што ќе треба да одлежи тримесечна казна, додека пак, Крсте Андоновски (помошник тренер на Охрид) ќе го нема на три натпревари.

На двете екипи им е изречена парична казна од по 45.000 денари.