„Ја забарикадиравме вратата со клупи“: Сведоштво на ученик за масакрот во Канада
Ученикот Дариан Квист, матурант во средното училиште Тамблер Риџ, ги опиша моментите од пукањето во неговото училиште за Си-Би-Си. Тој рече дека кратко откако пристигнал на час во 13:30 часот, се вклучил аларм со упатства за заклучување на вратите.
„Ги зедовме клупите и ја забарикадиравме вратата“, рече тој, додавајќи дека поминале повеќе од два часа правејќи го тоа додека добивал фотографии од местото на настанот на својот мобилен телефон.
„Тукушто сега почнувам да разбирам што навистина се случило. Се чувствувам како да ја познавам една од жртвите, но сè е сè уште многу свежо“, рече Квист. Тој ја опиша ситуацијата како „скоро надреална“. „Се чувствував како да сум на место што го видов само на телевизија“, заклучи тој.
Полицијата, која пристигнала на местото на настанот во рок од две минути од повикот, можеби спречила уште поголема трагедија со нивната брза реакција. Полицијата сè уште ги информира семејствата на жртвите.
Според премиерот на Британска Колубија, Дејвид Еби, брзото пристигнување на полицијата значело дека „е спречено катастрофалната трагедија да биде многу полоша“.
Тој нагласи дека полицијата ги ризикувала сопствените животи брзајќи кон училиштето. „Тоа е херојски чин и им сум многу благодарен“, рече Еби. Полицијата извести дека напаѓачот е пронајден мртов во училиштето и дека постои сомневање за самоубиство.
…
